22 nov. 2016

Debate no twitter #debaTIC: o poder das redes sociais

Quen lle interese pode participar. É un debate para o alumnado de TIC.

  • cal é o poder das redes sociais?. Difunden información e ao tempo crean xente acrítica que segue unha moda tras outra?
  • as tendencias triunfan porque gustan (a xente é libre para escoller) ou gustan porque triunfan (a xente se comporta sen criterio: o único criterio é que algo triunfe)?


5 jun. 2016

Como obter a ligazón "pura" dun ficheiro en Google Drive e inserir música no blog

Un dos problemas habituais nos blogs é inserir música en formato audio nunha nova entrada (dende youtube obviamente é fácil). Hai moitos reproductores moi sinxelos que aportan o código HTML para inserir. Por exemplo podedes probar con SCM Music (que é de código libre ;-) ou unha páxina máis elaborada como CINCOPA (esixe rexistarse, pero pode ser coa conta de gmail).

O problema é que temos que ter a ligazón real (a que remata en .mp3 ou calquera outro formato) ao noso ficheiro. Se o aloxamos en dropbox ou similar iso é moi sinxelo. O dificil é se o temos en google drive. Vexamos como facelo:

  • aloxar os ficheiros nun cartafol de google drive (por exemplo, "música")
  • compartir o cartafol como púbico e atopar a ligazón do cartafol. Será do seguinte tipo:  https://drive.google.com/#folders/0B5xqUTHHK_n6VUNYcWE5Wmg3Zmc 
  •  As letras e números finais son a chave do cartafol:
    0B5xqUTHHK_n6VUNYcWE5Wmg3Zmc
  •  Abrir unha pestaña e escribir a seguinte ligazón: googledrive.com/host/chave_do_cartafol onde a chave é esa ristra de letras e número
  • Entraredes entón nunha páxina onde podedes ver os ficheiros do cartafol. Se premedes co botón dereito nos ficheiros podedes copiar a ligazón "real".
Neste blog ficen a proba co ficheiro de audio STOP, famosa canción de Jane's Addiction

25 may. 2016

Visita ao Courel co Proxecto Terra

Como cada curso participamos co alumnado de 4º nunha visita do Proxecto Terra. Neste caso foron 2 días no Courel e na Ribeira Sacra, dous sitios que deberían ser de visita obrigada para calquera persoa interesada na paisaxe e no seu pais.
Coma sempre quedamos encantados coa organización, os medios e os guías, e queremos dende aquí agradecerlle a todos os colaboradores do Proxecto Terra a súa participación.
Desta vez a visita estaba centrada nos aspectos xeolóxicos e biolóxicos da paisaxe. Tivemos a sorte de visitar elementos xeolóxicos únicos en Galicia (e na maior parte de Europa) coma o famoso sinclinal do Courel, bosque tradicionais perfectamente conservados coma a Devesa da Rogueira, lagoas glaciares, formacións kársticas agochadas dos turistas ou paisaxes transformadas dende a época romana coma os viñedos da Ribeira Sacra.



Museo xeolóxico de Quiroga
Museo etnográfico de Quiroga

A devesa da Rogueira, un bosque imprescindible

Lagoa glaciar de Lucenza


O único? mirador xeolóxico de Galicia: o sinclinal do Courel
O val das mouras, un sitio máxico agochado
Viñas na Ribeira Sacra- Vista dende o catamarán

24 may. 2016

2 novelas, 1 cómic e 1 ensaio para videoxogadores

Os 4 poden atoparse na biblioteca do IES ou na aula de informática.

  • (novela)READY PLAYER ONE: unha novela das que lle gusta a todo o mundo (e xa lle teño preguntado a varios alumnos que a leron), engancha por dinámica coma se fose un xogo do Zelda. Para os amantes dos videoxogos clásicos pixelados, dos RPG ou do League of Legends isto debería ser lectura obrigatoria.


  • (novela) ARMADA: do mesmo autor, novidade recente en castelán, sería para os xogadores de naves espaciais, de estratexia, multixogador online e similar. A nivel persoal (debido que a min o que me gusta son os xogos pixelados ;-) podo comparalo cos relatos de Asimov e Clarke (a verdade é que o final debería pagarlle royalties a estes autores ;-), e decir, ciencia ficción con toque humanista e progresista, algo sempre necesario.

  • (cómic) ASSASSIN'S CREED: aínda que non xoguei (de momento ;-) me consta que esta franquicia de xogos ten unha historia interesante detrás, unha mistura de historia, thriller e ciencia ficción. Neste caso son 5 comics que adaptan parte da trama central. Non vou decir que sexan unha maravilla pero están a gustarlle aos alumnos que coñecen o xogo.

  • (ensaio) EXTRA LIFE: aínda que non é probable que o alumnado vaia achegarse a un ensaio, neste caso deberían facer unha excepción, pois este magnífico libro son 10 capítulos independentes, cada un centrado nun videoxogo famoso (dende Tetris a Call of Duty), polo que podes ler so que o che interese. Recomendo en especial o capítulo dunha antropóloga sobre o GTA - San Andreas, e como ese xogo permite achegarse dun xeito profundo (e complementario das pelis e libros "serios") á cidade de Los Ángeles. Isto xa é decir moito dun dos videoxogos que ten xenerado máis polémica nos mass media.

18 may. 2016

Roteiro por Coia: A Coia industrial

En colaboración con Espazo Alicerces, a Asociación O Torreiro de Coia e diversos veciños e veciñas do barrio organizamos unha serie de actividades a finais de Maio dentro do noso proxecto ROTEIRO POR COIA:

  • exposición GALICIA INDUSTRIAL (elaborada por compañeiras de IES de Coruña e financiada por Fundación Barrié) na entrada do IES
  • charla de antigos traballadores e traballadoras co alumnado de 1º bach. sociais
  • faladoiro coa veciñanza (ver cartel)
  • roteiro co alumnado polo barrio para visitar/lembrar as industrias do barrio nos anos 60
  • elaboración dun mapa analóxico e outro dixital das industrias tradicionais do barrio

1 may. 2016

Brillante actuación do noso alumnado na competición de robótica da universidade

O alumnado de 4º ESO D e 1º bacharelato A tiveron unha destacada actuación na II Competición de programación robótica organizada pola facultade de Enxeñería Industrial da Universidade de Vigo, sendo o instituto con maís equipos clasificados  para a rolda final (5 dos 7 que se presentaron).

Na entrada da facultade
Un equipo de 4º conqueriu o 2º posto (empatados cos 1º a puntos), e os 2 grupos de bacharelato quedaron nos postos 4º e 5º. Na opinión do alumnado o resultado podería ter sido incluso mellor de aplicarse unhas regras máis lóxicas (por exemplo, os 3 grupos de 4º tiveron que enfrontarse entre si na rolda final).
Carlos Vilas a piques de iniciar a 1ª proba
Subcampións de Galicia

2 abr. 2016

Unha viaxe interdisciplinar: Bilbao-Atapuerca 2016


Plaza Nueva de Bilbao

Dende fai 3 cursos realizamos co alumnado de 1º Bach. unha viaxe interdisciplinaria (Hª, antropoloxía, tecnoloxía) a Bilbao e Burgos-Atapuerca.

Precisamente ese é obxectivo principal: transmitir ao noso alumnado que a cultura é algo interdisciplinar, e que polo tanto o enfoque disciplinar polo que opta o sistema educativo (algo que está en revisión, afortunadamente) é moi reducionista é ten un alto coste na aprendizaxe.

Vexamos unha parte do que visitamos e aclaremos que teñen de interdisciplinar:

San Martín de Frómista (Palencia) - Igrexa románica
Visitar Frómista é falar da importancia histórica e cultural do Camiño de Santiago, a via de comunicación e intercambio de ideas e tecnoloxías da Idade Média.

Canal de Castilla en Frómista
O Canal de Castilla representa un dos esforzos tecnolóxicos máis serios levados a cabo na era da Ilustración para sair do modelo productivo-económico medieval. E tamén representa eficazmente a Hª de España na súa relación coa tecnoloxía: "tarde, mal e a rrastras".

Pontes e urbanismo de Bilbao
O urbanismo de Bilbao é un modelo fundamental (a nivel europeo) para entender como pode cambiarse unha cidade (e a vida dos seus habitantes) facendo planificación, deseño e boas inversións. E tamén permite comentar as desfeitas urbanísticas que se teñen feito na Galiza, coa intención de despertar o espíritu crítico do noso alumnado. Para nós isto está moi relacionado co noso proxecto do Roteiro por Coia.

Museo Guggeheim - Arte contemporánea
A 1ª visita ao museo obriga a revisar a nosa concepción da arquitectura e da arte. Exposicións coma a actual de Louise Bourgeois teñen un impacto directo en moito do noso alumnado, na súa percepción e valoración da arte.

Shades - Exposición de Andy Wharhol




Vistas de Getxo dende a ponte colgante de Portugalete




A visita á ponte de Vizcaya tamén permite relacionar Tecnoloxía e Hª, e incidir na importancia das canles de comunicación nas sociedades humanas (pontes, estradas, camiños, ideas...).

Euskadi: gastronomía é cultura
Visitar Euskadi para os galegos e galegas implica acceder a outra cultura gastronómica (máis avanzada que a nosa), a outra lingua...

Museo de la Evolución - Burgos

O coñecemento da prehistoria e da investigación científica relacionada con ela, tan aberta e apaisoante, é un dos mellores exemplos de interdisciplinariedade que podemos ofrecer en calquera viaxe. Atapuerca é un referente mundial.

Cartuja de Miraflores - Burgos
A visita ao monasterio de Las Huelgas e á Cartuja de Miraflores permiten revisar ou ampliar coñecementos históricos, relixiosos, artísticos...

Colonia Clunia Sulpicia (Burgos)
Por último visitamos a cidade romana de Clunia da que aínda queda moito por excavar. Nela podemos admirar a superioridade tecnolóxica romana e as súas brillantes obras de enxeñería, coma o teatro romano de Clunia, que podía acoller a 9000 espectadores.

11 nov. 2015

Betatesters de ECITY: un videoxogo de enxeñería

O pasado 3 de Novembro, nunha colaboración entre o departamento de Tecnoloxía e a Biblioteca do IES, o alumnado de 1º Bacharelato A participou en calidade de beta-testers do videoxogo ECITY, un proxecto europeo que ten coma meta fomentar o interese do alumnado de secundaria na enxeñería. O xogo consiste en simular o desenvolvemento dunha cidade (dun xeito similar ao coñecido videoxogo SIMCITY) o cal permite prantexar distintos problemas ou escenarios baseados en distintos aspectos da enxeñería: telecomunicacións, infraestruturas...



Estivo con nós Melisa Rodríguez, investigadora da Universidade de Vigo (facultade de Telecomunicacións), presentando o videoxogo e a súa interface. O alumnado tivo media hora para xogar ao modo básico e logo tiveron que afrontar un reto (en grupos de 3, pois non temos suficientes ordenadores): o subministro enerxético dunha cidade. Varios grupos foron quen de superar o reto no escaso tempo dispoñible (preto de 25 min). Nesta actividade o alumnado tivo que repasar conceptos coma alta, media e baixa tensión, transformadores, potencia eléctrica...

alumnas de 1º Bach A probando o xogo


En xeral foi unha experiencia moi interesante, a xuízo do alumnado . A intención do departamento de Tecnoloxía é incluír este videoxogo (e outro similares) na programación curricular futura.


EN LA VIDA REAL: un cómic de videoxogos no clube de lectura

O departamento de Tecnoloxía do IES colaborou coa Biblioteca propoñendo ao clube de lectura o cómic EN LA VIDA REAL (Roca editorial).

A recepción da obra foi moi positiva, tendo que destacar de entrada que é a primeira vez que se escolle un cómic para o clube de lectura. Este foi o primeiro tema debatido na reunión do clube: que os cómics (e tamén cada vez máis os videoxogos) poden e deben considerarse "literatura" pois serven para o mesmo que os libros (crear mundos de ficción que lle dan sentido ao noso), usando outros medios artísticos (narración visual no caso do cómic). E como tal é unha mágoa que moitas escolas e bibliotecas non os estean a utilizar como recomendacións de lectura.

O resto da reunión foi unha análise breve dalgúns temas tratados na obra: adolescencia, videoxogos, realidade virtual versus realidade física, diferencias culturais e sociais...

Ao profesor chamoulle a atención que moitos dos compoñentes do clube, xogadores habituais, descoñecesen que é completamente real un dos temas centrais da obra: a subcontratación de videoxogadores "pobres" por parte de xogadores "ricos" para aumentar o seu nivel nun xogo. Podedes ler ao respecto neste artigo.

Por último solicitouse aos compoñentes do clube que recomendaran algúns videoxogos pola súas características narrativas innovadoras, ou algún cómic relacionado cos videoxogos. Estes foron algúns deles:
      • LIMBO
      • LIFE IS STRANGE
      • BEYOND TWO SOULS
      • RADIANT HISTORIA
      • LOG HORIZON
      • MONUMENT VALLEY
      • DARK ORBIT
      • SUICIDE ROOM (película)

15 sept. 2015

REMIND, o "guasap" para profes

Pois imos probar con REMIND en Bacharelato e algún curso de Informática 4º un sistema de comunicación coas ventaxas de poder velo no móbil, e pensado para clase. Namentres se apuntan os alumnos e alumnas temos aquí na dereita un widget para poder visualizar os contidos

14 jun. 2015

Cinemagraph

Un dos traballos previstos para este curso era realizar un Cinemagraph, unha foto con animación parcial. Non tivemos tempo de poñelo como traballo pero algún alumno animouse. Aquí tedes o realizado por Carlos Pérez Celada:

¢ Carlos Pérez Celada
O interesante é que está realizado con GIMP, para demostrarlle a todos "eses" que denigran o software libre que poden realizarse os mesmos traballos (nin mellores nin peores, como digo na clase) que con software privativo pirateado.

Se vos interesan os cinemagraph botade un vistazo a estes very fashion:


¢ cinemagraph.com